Myanmar ram minthang actor/actress an tlaih mi hna cu luatnak pek than dingin ruah than a si ...

 

Ralhrang hna nih uknak an lak hnu ah duh lonak langh ter ruang ah Myanmar mipi tampi an tlaih hna , an thah hna.Inn le lo an khangh dih hna . An tlaih mi hna chung in Myanmar minthang tampi an i tel hna. Bia hmaan le adik mi ruang ah fek tein a dir mi hna minthang hna cu Insein thong inn ah an thlak hna.


Thong an thlak hna thla 9 hnu ah biacaihnak le biakhiahnak an tuah hna . Minthang hna chung in Paing Takhon, Lu Min,Ye Taih, Eindra Kyaw Zin le Pyi Ti Oo, hlasakthiam Po Po,Saw Pho Khwa,Win MIn Than tiin a dang tampi hna zong thong kum (3) thlak le rianhrang tuan in biakhiahnak an tuah hna .


Hi kong ahhin " dantatnak biakhiahnak cu an pek dih ko hna lai nain a ra lai ding January 4 (Myanmar ram luatnak ni ) ahhin thong chung in a thlah te lai tiin ruahdamh a si ko tin U TUn Kyi nih a chim .


U KHin Maung Myint nih " kanmah zong thong chung kan um lio ah biakhiahnak ahcun hitibantuk hin biachah piak a si ko nain SAC nih luatnak pek nak duh ruang ah dantatnak an tuah hmasa hi a si . A hmuh dih ter ti siloin taza cuainak tu an dih ter lai i luatnak an pek ko hna lai ti ruahnak kan ngeih ko.Kanmah lio zong ah hitihin an kan thlah than nak cu a si "tiin a chim .


Mizzima

Post a Comment

0 Comments