Thaizing Hi Ka Caah Ser Si Ti Hlah Sehlaw (II)

 

Chambau in a khatmi keimah Dawtnak a herh tukmi keimah Theihthiamnak an haltu keimah caah Thaizing hi ka caah ser si ti hlah seh law Vawlei ka kal tak hnu lawngah Theihthiamnak le dawtnak na ka pe hnga maw.


“Ka ngai thiam” kan tinak biafang hna Thlan khur ka luh hnu lawngah Ngaihpiak ka si sual hnga maw Na cungah lungfahnak he thlankhur luh ding Na sia a rem ko hnga maw?


Nun lio ah na dawtnak a herhmi Nun lio ah na theihthiamnak a herhmi Nun lio ah na zawnruahnak a herhmi Nun lio ah palhnak ngaihthiam a herhmi Keimah caah hin thaizing hi ser ti loin Nunnak pek ti lo hei sining law Ka liam hnu lawngah Dawtmi ka si sual hnga maw?


Ka hawi, u nau, keicu ka tling lo Tlin lonak he thankhur ka luh tikah Ka liam hnu lawngah ruah thiam in Thlan cung lawng ah pangpar rak pekmi Na unau, na hawi ka si sual lai ka phang


Thaizing hi ka caah ser si ti hlah seh law Nihin ahhin na dawtnak le heihthiamnak sang bik kan hal Nu lio ah vanram nun tep sih Nun lio ah i daw u sih Nun lio ah i ngai thiam u sih tiin


A saan tlai lo bik nih kan nawl


Credit. Sima Mawi



Post a Comment

0 Comments