Thin hi minung kan takpum caah a biapi ngaingai mi pakhat a si ve. Thin nih kan takpum chungah a lut mi a tha le tha lo, a herh lo mi pawl a chek piak tu a si.Thin nih rian tha tein a tuan khawh lo ahcun takpum chung dihlak a riantuan ning a tlam a tling kho lo, Lu hna a fak, thadit le uaihnang in um, pawpi seh nih tha tein rian a tuan kho ti lo, lungretheih nak a chuak, takpum thazaang zong a der.
Thin Ngandamnak Ding Caah Ei piak ding tirawl pawl tangah kan rak langhter....
Tangah kan langhter mi thingthei nih Thin chungah a um mi sivai tha lo pawl kha a thianter khawh.
Kiwi theih
Mitsur
Cherry theih
Anhringso siahcun
Lubuk (kawpi thoh)
Pankawpi
Kanyut (Asparagus)
Kanyut
Kio mi le Reu mi, a kik cang mi eiding tirawl, carbohydrate le protein dat tampi a telmi eiding tirawl tam tuk in ei lo ding.
Zuu, Soda aa telmi thumhang kik pawl kha a si khawh chung in hrial ding.
Antioxidants A telmi eiding tirawl pawl ei piak ding
Antioxidants a telmi eiding tirawl hna cu Thin Ngandamnak Caah a tha ngai mi a si. Thin chungah a ummi Cell pawl sivai tha lo ruangah a rawkmi tihnung in a runven piak khawh.Antioxidants dat tampi a telmi eiding tirawl hna cu Blue berry, Apple, Strawberry, a hawng a hakmi theih pawl, hru le mepe pawl hna an si.
Sii Din ralrin a hau
Acetaminophen dat a telmi sii tam deuh nih Thin kha a hrawh caah, cu bantuk sii pawl caan sau din piaklo ah a tha.
Thin Caah a Tha mi kokek sii
Thin Caah a tha bak mi cu Green Tea hi a si. Green Tea kha zarhkhat ah voi 2 in 3 tiang ding piak nak nih Thin chungah a um mi Siva tha lo pawl kha a chuahter.
Pum Cawlcangnak tuah (Exercise)
Pum cawlcangnak tuah hhi Thin ngandamnak caah bawmchantu tha ngai a si. Zing tuan tein tuah i lam len (walking) thlik nak nih Thin ngandamnak caah bawmchantu tha a si ve.
