Zei thil poh hi kan lak thiam ,kan hman thiam ahcun kanmah ca lawng te an si ko , Cucaah kan pawngkam , nih soisel, thangchiat le thatlonak lawng te an chim zong ah na zei poihlah ,na thil tuahkhawhnak ‘ tu kha langh piak hna , I zuam chih !Na tuah ding cu …

(1) An in soiselnak cu athatnak lei in hmuh piak hna

An in soiselnak pawl cu athatnak lei ah hmuh piak hna , cu lawngah na lungnuam lai , an in soisel ruangah na thinhun nakin  zei rel loin um law i zuam chih , na caah athatnak lei in zeidah ka remh lai ti tu in i zuam .

(2) Let ve hna hlah

An i tinak cu bia al duh hna hlah ,an buai chin lai ..cucaah an chim mi poh fianh i zuam hna hlah ,, an in soiselnak  le thangchiatnak cu va phisin len duh hlah , acaan phak tikah thil hmaan cu an theih te ko lai ,kanmah lei hman tein um kha abiapi ko .

(3) Thazaang ah i lak

Minung cu chim zuam tukmi phun kan si caah , kanmah hmanh hi acaan ahcun midang cungah  soisel kan hmang cucaah midang kan soisel hna i kan dernak cu zei asi ti tu kha  kanmah i chek aherh deuh .

Cucaah mi soisel kha ka thinh deuh lai ti tu tiang i zuam ding asi , ni ni khat ah an soisel tu  cungah na lawm te lai , anmah thawngin teinak na hmuh tikah anmah thawngin  thazaang tampi na rak laknak kha si , cucaah va let duh hna hlah , an kaa aba lai i an zuam ti lai lo .

Na thil ti khawhnak an hmuh tikcun an i upat te ko lai .