Vawlei Cung Minthang Lemcang Jackie Chan A Uarmi Hna nih A Konglam Theihbak Ding Pawl


Taluk ram lawng hmanh silo in Hollywood tiang hmanh ah a min a thang i vawleicung minung tampi nih theihmi Asian lemcang thiam chim tuah tiah cun Jackie Chan tiah kan chim cio lai tiah ka zumh.

Vawleicung mipi nih uar ngaingai mi Jackie Chan cu 65 a si cang ko nain baisakup (cinema) pehtlai tein a thla peng rih i vawleicung lemcang hna lakah tangka lut a thabik timi min cazin zongah kum chiarte a tel peng mi a si.

Jackie Chan cu a min a thang bantuk in lemcang zong a thiam taktak mi a si, tangka lut zong tampi a ngei mi a si bantuk in vawleicung lemcang hna nih sunsak taktak laksawng Oscar zong a ngah mi a si. Tu kan langhter mi cu Jackie Chan a uarmi hna nih a konglam theih bak ding timi kan rak langhter...

Jackie Chan a pa hi Taluk ram spy pakhat a si i, a nu hi sii tha lo a thli tein a zuar mi a si. Jackie chan a nu le a pa hi thongchung ah aa hmu mi an si. an sifah tuk caah Jackie Chan ngeihnak caah a herhmi tangka zong an rak ngei lo. Zeiti tuah awk hngalh lo tuk ah Jackie Chan an ngeihnak i a dihheu mi siizung man pek awkah tiin Jackie Chan cu siibawi sin dollar 26 in an rak zuar.

Jackie Chan hi lemcang a si hlan ah Nightclub pakhat ah security a rak tuan i Club chungah a buaimi le a vuai mi pawl a rak tlaitu a rak si. cu a rian ahcun Jackie chan voitampi a vua lengmang mi a si.

Jackie Chan pumpak nih zultu a rak ngei i Jackie Chan Stunt cu kum 1976 ah a rak dirh.

Jackie Chan hi lemcang a thiam lawng siloin hlasak le guitar lei zong ah a thiam ngaingai mi pakhat a si. Baisakup a tlakmi chung zongh a mah Jackie Chan nih a sakmi tampi a um, Disney nih a thlakmi minthang baisakup chung i "I'll make a man out of you" timi hla zong Taluk version in Jackie Chan nih a sak.

Jackie Chan cu baisakup a tlak ah lem a cang mi a that khawhnak hnga tiah biatak tein a zuam mi a si, cu ruangah hliamhma a tuar lengmang mi a si. Armour of God timi baisakup a tlak lio ah vampang in thingkung cung ah per a tim nain thingkung cung phan lo in tangah a tla i a lu fak ngai in a rak kuai i, cu hnu ah a orhlei hna nih tha tein khua a theih ti lo.

Jackie Chan nih baisakup a thlakti mi lemcang misual pawl hna kha a dawt ngaingai hna i a mah chungkhar bantuk tein a chawnh biak hna, hliamhma an tong sual lai tiah i runvennak pawl zong a hrukter peng hna.

Jackie Chan hi Guinness World Records zongah Vawleicung minthang lemcang lei a thiam bak timi le baisakup pakhat chung lawng bak ah phun 15 tiang a tuah kho timi records a ngeimi lemcang pakhat a si. Minthang Zodiac film ah director, script, producer, Theme song hlasak tibantuk ah Jackie Chan pakhat lawng bak nih phun 15 tiang hrawng tuanvo a lak khawh.
Previous Post
Next Post

post written by: