Ih Paoh Ah Hnar A Hmang Mi hna Caah A Tha Ngai Mi Kokek Sii Tuah Ning


Ih lio ah hnar hman hi a poi nak cu a um tuk lem lo nain pawngkam ah a ihmi hna caah hna a hnawk ngaingai mi a si, ningtih pang ca le bang ahcun a fawi lo ngai mi a si.

Kan ih lio i kan hnar nak a ruang cu kan hrawm le kan hnar lam chungah thli kan dawp mi a cat tawn ruang ah a si. Kan thaw dawp mi a cat tikah kan hnar le kan hrawm pawl kha a va thirter dih caah kan hnar nak hi a si tiah thiam sang hna nih an chm.

Cu bantuk in kan ih tikah kan hnar mi dam deuh nak caah a tha ngai mi kokek sii tuah ning cang kan rak langhter..

A Telmi Thilri hna

Antam tawba sen (carrot) pum 2
Apple pum 2
Retei pum khat kha cheu 4 ah na cheu lai i cheu 1 kha na hman lai
Aithing tlap 1
Serthlum darkeu/haileng 16 (orange)

A Tuah ning cang

`1. Antam tawba sen pum 2 kha a hawng na ziah piak lai i hme tete in na tan lai.

2. Apple zong hme tete in na paar lai.

3. Retei kha a hang na sur lai.

4. Aithing kha a hawng na meh lai i paan tein na paar lai.

5. Antam tawba sen, Apple, Retei, aithing le serthlum kha seh in a hang chuak lak in na rial lai.

juicy lemons and limes on a white background

Cu na rialmi i a chuak mi a hang cu hrai ah na chiah lai i zan na ih lai sumilam 2 a duh ah na din piak lai.

Cu ti na din piak lengmang nak nih zan na ih ii na hnar tawn mi kha a damter deuh lai. Cu pin ah vitamin C a telmi tirawl pawl tampi in ei piak khawh zong a si.

Vitamin C nih kan takpum thazaang a thawn ter lawng si loin kan thaw chuahnak lam zong a thater. Vitamin C tampi a telmi thingthei hna cu serthlum (orange) kha hrai pakhat chungah a hang na sur lai i zan na ih lai sumilam pakhat a duh paoh ah a hlan ken in na din piak lai.

Rungtaben zong zan ih lai ah ei piaknak ni zan kan ih tikah hnar kan hman mi a damter deuh.