David Lah thong inn chiahnak kongah Dr. SaSa nih biahalnak pathum a tuah


Yangon Cozah nih taza cuaimi Saya David Lah cu avoi khat nak bik biaceih zungah chuah pi asi i;amah khan khawh asi lo caah Insein thong inn ah chiah chung asi. Dr. SaSa nih biazung cung pawl sinah biahalnak pathum a tuah.

" Khoi ah dah social distancing aum?"

"The law of nature disaster cu khoi ah dah aum?"

"justice tah khoi ah dah aum" tiin biahalnak pathum a tuah.

Social distancing le The law of nature disaster cu Media pawl le Police nih an hrawh ve ko cu ta; Saya David Lah thong inn a umnak hi dinnak aum loh tiin Dr. SaSa nih a timeline in a langhter.

Virus lioah mibu pumhnak tuah lo dingin Yangon Cozah nih nawl a chuah hnu ah David Lah nih biaknak puai a tuah caah taza cuai a ton hi asi. David Lah hi tuan tein taza cuai an duh ko nain Virus a ngeih caah an cuai zau lo nak asi. Virus in a dam hnu zongah Hotel Quarantine ah an chiah i; tuni hi avoi khatnak bik taza an cuai hi asi.

Yangon Cozah zulh phung buar ruangah David Lah cu taza cuai a tong i; Insein thong inn ah an chiah lio asi.