Myanmar Vice President Henry Van Thio Te Chungkhar Covid 19 An Chekmi Result A Chuak Cang


Myanmar vice president Henry Van Thio te chungkhar telh in minung 32 cu corona virus hrik an ngei maw ngei lo tiah nizan ah an chek hna.

Cu an chek mi hna cu zawtnak hrik kan hmuh an tha dih ko tiah President zunglei biachimnak nawl ngeitu U Zaw Htey nih Nyipyidaw hrambunh President House thawnglatu hna sinah a chim.

Covid 19 zawtnak hrik a ngei mi mizaw le vice president Henry Van Thio cu pumhnak pakhat ah neihniam tein an to tinak hmanthlak social media ah mipi nih chimceih a tam ngai pin ah an thinphang cio ii, thil fiang aa theih nak dingah tiin nizan ah Vice President he aa pehtlai mi minung 32 an chek hna nak cu a si.Nizan i Vice president te chungkhar an chek mi result cu tuzing april 15 zinglei ah aa theih tiah U Zaw Htey nih a chim.

Mah hi ram hruaitu an lu deuh hna ii ngandamnak he aa pehtlai in biahal nak tete a um mi konog lehnak kan tuah mi a si ii, a dang chek mi kong cu ngandamnak vuanci zunglei nih voidang khel bantuk in an langhter ko lai tiah a chim.

credit