Kan Hrawm A Fakmi Zeitin Dah Kan i Thlopbul Lai


Kan hrawm a fahnak hi 100 ah 80 hi virus ruangah a si. Kiktlaih, cumpit le a dangdang virus ruangah ah kan hrawm a fahnak hi a si.


  • hrawmphin
  • awrpih i aw zong chuah khawhlo
  • khuhkhuh
  • lufah
  • Thazaang dih
  • eimi dolh har tiang in hrawm fah
  • hngawng ah a rangmi silo ah a eng mi zawng chuah

cu bantuk hi kan um tikah zeitin dah kan i thlopbul ning a si lai

kan hrawm a fah hi virus ruangah a si ii Antibiotic sii din piak a hau. cu pin ah ti tampi in din a hau mi a si. kan hrawm kha a fah tuk i kan celh ti lo a si ahcun Pain Relievers din piak khawh a si.

Antibiotic hna hi tlawmpal te cu tih a nung pah mi sii a si caah kanmah  tein sii i cawk i din nak cun siibawi he tha tein i chim hnu ah sii din hi a tha bik mi a si.

Kan hrawm a fakmi kokek tein zeitin dah kan i thlop khawh

kan hrawm fakmi aa thawkka hrawng le a zual tuk hlan ahcun kokek sii nih a damh khawh ve mi a si.

Apple Sialakazi (Cider or Vinegar) le Khuaihliti

apple cider nih pH level kha a tumter ii kan hrawm ah zawtnak rungrul pawl kha a thawl khawh. Khuaihliti zong nih zawtnak rungrul pawl thawlnak ah a tha ngaingai mi a si.

Zetindah Apple Cider le Khuaihliti cu kan tuah lai

A Herhmi Thilri


  • Apple Cider haileng/darkeu 1
  • Retei pum cheu
  • khuahliti darkeu/haileng 1
  • Ti hraikhat (125 ml)


a tuah ning cang

Ti kha na tlawhter lai. Apple cider le retei kha na poih lai, cu hnu ah khuahliti na toih than lai ii tha tein na cawh lai.

Cu na cawhmi cu rawl ei khawh poah ah hraikhat in na dinpiak lengmang ahcun na hrawm fakmi kha a damter ko lai.

Retei le Khuaihliti zong in tuah khawh si

Retei ah hin kokek in zawtnak rungrul a that khotu dat aa ti mi a si ii kan takpum zong a thawnter kho tu a si i zawtnak a dohdal khotu vitamin C zong tampi aa tel mi a si.

A herhmi


  • Retei pum 4
  • Kkuaihliti darkeu/haileng 2

A tuah ning cang

Retei kha mei a alh tuk lo mi ah na em lai, cu na em mi cu khuaihliti chungah a hang na zur lai i tha tein na cawh lai. cucu nikhat ah voi 2 dinpiak khawh a si.

Previous Post
Next Post

post written by: