Myanmar ram zong COVID-19 nih aphanh cang tikah athi mi zong an um . Vawleipi nih abuai pimi 
pul rai zawtnak cu kanmah cio in kan i ralrin cio aherh mi asi . Cu lio ah Myanmar ram khuapi Yangon khuasa laimi 
chungkhar cio nih kan i harh ngai mi thil aum . Lai lei khual le ramdang khual nih theih thiam piak hrim awk asi mi asi . 

Laimi cu khual tlung le mileng adaw mi miphun kan si . A thlumalh mi miphun kan si , asinain atu lio ahcun 
kanmah i dawtnak nakin mi zapi nunnak humhimnak kha aherh deuh caah Yangon sang kip cio in 
mikhual le mileng ngeih lo dingin thawng thanh asi . 


Myanmar ram chung ah COVID-19 aluh hmasa bik mi hi ramdang in arak tlung mi chungin an hmuh mi lawng siloin 
Chin miphun kan i tel caah Kawl miphun nih an kan tih lio caan asi . Laimi cu ramdang tlungkal kan tam saling asi caah 
nan tlunnak ding inn tek Yangon khuasa mi hna sinah tha tein thawngpang hal ah atha bik . 

Anmah nawl lawng in tlun inn onh asi ti lo . Sang upa hna nih an chek , mi khual nan sinak kha tha tein 
sang upa sinah chimh le thanh aherh . Cu lawng siloin ramdang tlung hrim cu lunghrinh khun an si caah 
tlun lo atha bik . A tu lio boruak ahcun Hotel zong ah tha tein booking tuah hmasa. Umnak reprai te
 ngeih hnu ah Yangon luhchuah atha bik .

April thla dih tiang sang kip nih mi leng luhchuah an khap lio asi . Lai lei,ramdang lei khual caah inn tek nih tlun inn onh lo in ruah asi lai nain 
atu lio sining ahcun i tlun lo le i len lo hi atha bik caan asi . 

Laimi micheu khual cu sang upa nih an thawl piak mi hna zong an tlawm ti lo .