Note : Line That Lo Cun A Tanglei Server 1 , 2 , 3 Hmet Law Line Thlen Khawh Si.

Chin Ram, Paletwa Peng Ah Minung 7  Ralruangah An Thi ii Minung 9 Nih Hliamhma An Tuar

Chim Ramkulh, Paletwa pengah kawl ralkap le AA an i kah ruangah Chinmi minung 7 an thi i minung 9 hliamhma an tuar tiah Chin Ram Cozah in Si...


Chim Ramkulh, Paletwa pengah kawl ralkap le AA an i kah ruangah Chinmi minung 7 an thi i minung 9 hliamhma an tuar tiah Chin Ram Cozah in Sipin Vuanci U Soe Htet nih Irrawaddy Thawngzamhnak ah a chim.Vuanci U Soe htet nih "Nizan ah Nan Chaung Wa ah minung 7 an thi i hliahma a tuar mi minung 8 an si tiah theih a si. Tuhi siizungah hliam a tuarmi hna cu an thlopbul hna lio a si. Vanlawng in kah ruangah tubantuk in thil a cang nak cu a si" tiah a chim.

A thimi minung 7 le hliamtuar 8 hi Paletwa Peng Nan Chaung Wa khuami an si ii Kawl Ralkap nih vanlawng in kah ruangah fak ngai in rawlhralnak le thihlo nak tiang a um hi a si tiah theih si.Kawl Ralkap nih vanlawng in kah ruangah a thimi minung 7 chungah kum 3 hrawng a si mi ngakchia pakhat telh in a dang hi kum 22 in 39 hrawnghrang minung an si ii cu chungah nu 3 le pa 3 an si tiah a ti.

Nan Chaung Wa khuami hliamhma a tuarmi hna minung 8 chungah kum 3 hrwng asi mi le kum 12 hrawng a si mi ngakchia pa 2 telh in a dang pa 5 hi kum 18 in kum 62 kar nu hna an si tiah theih a si.Adang hliamhma a tuarmi minung 1 cu Paletwa khuapawng Kaladan Tiva hlei tuahnak i rian a tuan ve mi kum 22 hrawng a si mi tlakrawh rualtu a si, hlei cungah rian a tuan cuahmah lio ah a tangah meithal kuan nih a khen tiah a chim.

Hliamhma a tuar mi minung 9 cu an dihlak in Paletwa siizung ah an um lo asi, asinain operation tuahtu siibawi an um lo caah meithal kuan an tak chungah a um mi an chuah kho rih hna lo tiah theih a si.Vuanci Soe htet nih "Siizung ah operation tuahtu siibawi an um lo caah an tuarnak a deih deuhnak ding lawngin kan zohkhenh khawh rih hna. Nizan tiangah lungfim lo in an um rih tiah a chim. Tuni tiang an lung a fim hlei lo ahcun Mindat siizungah thial an hau te lai. Kalada hlei tuahnak ah rian a tuan cuahmah mi pa a tangah meithal kuan nih a khen mi pa cu a cuap tiang a khen" tiah U Soe Htet nih a chim.

Nan Chaung Wa khua in ral ruangah a zam mi pa pakhat nih "Kan khua he mile 1 hrawng a hlatnak ah i kahnak April 7 zanlei suimilam 4 hrawngah khan a um ii vanlawng zong in an rak kah hna " tiah a chim. "Cun inn 9 hrawng zong a kang i, facang pawl zong an kangh dih" tiah khuami pa nih a chim.Vanlawng in kahdohnak April 7 zanlei suimilam 4 hrawngah  a um ii Nan Chaung Wa khuami minung 185 hrawng cu Nay La khua ah an zam hna ii Biaknak lei inn ah a um chung hna tiah theih a si. cu kong he pehtlai in khuadang ah a zam mi pa pakhat nih "hliam a tuarmi hna chungah minung 2 hi an zual hma ngaingai, keimah i ka nute hi a zual hma ngai, thi tam tuk a chuak ii, thi kan rawnh. a kut le a ke ah hliam mi a si. kum 3 le kum 12 ngakchia hna hi meithal kuan nih a khen mi hna an si lo ii mei a kangh mi pah chih in kan zamnak ah mei nih a kangh mi hna an si" tiah a chim.

Cu pa nih cun "Kan khua ning in kan zamh dih, Khua pawngkam ah i kah lo dingin AA si hna seh Kawl ralkap sin hna seh zangfah nawl nak bia zong a chim.Paletwa pengah ralkap le AA an i kah ning a fak chin lengmang nak hi kum 2 hrawng a si.U Soe Htet "Peletwa a daih khawhnak ding ahcun AA hi um hna hlah sehlaw a dai ko lai tiah a chim"April 7 in Paletwa peng Kalada tiva pawngkam ah ral an i kah ning a fak ngaingai, hriam ngan in kah ruangah Paletwa khuapawng ah mei kanghnak a chuah.Paletwa Myo Anglican khrihfabu i bawmh chantu hotu U Bung Htet Paing  nih April 7 ah a cang mi kahdohnak cu Paletwa khua he mile 1 hrawng lawng aa hlat, cu ahcun an i kap thluahmah ko" tiah a chim.

U Bung Htet Paing nih "thinphan ngai kan si ko, nizan ah Paletwa pawngkam ah mei kanghnak tete zong a um. hriam ngan hna in an i kap ii zan ah mei nih Paletwa khua phan manh lo in a mih caah kan van tha, Paletwa he phalawng 1 hrawnghrang lawng a hlat nak hmun ah an i kah mi tete zong kan hmuh khawh" tiah a chim.Paletwa khua nichuah lei kam ah ralkap (khalaya) 289 sakhan a um i, cu pawngkam ah cun march thlak khan an i kap cang tiah theih asi.Ral ruangah Paletwa pengah umnak a chuak tak mi Paletwa khua chungah a rak zam mi march thla tiang ah khan minung 1700 renglo an si cang.

Tu April thla chungah ah ral ruangah harnak a tonmi an karh chin i Paletwa khua chungah tutiang a dor mi minung 2300 renglo an si cang tiah theih a si.cu minung 2300 renglo hna cu Paletwa khua chung lawngah a rak zam mi an si an pawngkam khua cio ah aa dor mi zong an um rih. Chin ram cozah chimnak ah Paletwa pengah khua 380 renglo a um i minung tingkhat renglo an um. cu chungah minung 60000 hrawng hi ral ruangah harnak a ton mi an si tiah an ti.

Ref: Irrawaddy

COMMENTS

Name

.1,14,0,3,1,9,10,3,100,2,101,2,102,3,103,3,104,3,105,3,106,3,107,3,108,3,109,3,11,4,110,3,111,3,112,4,113,3,12,3,13,3,14,3,15,3,16,2,18,1,19,2,2,4,20,2,21,4,22,3,24,3,25,1,26,2,27,4,28,3,29,3,3,3,30,3,31,3,32,3,33,3,34,3,35,3,36,1,37,2,4,3,40,2,41,2,42,3,43,1,44,2,48,2,49,3,5,3,50,4,51,2,53,2,54,2,55,1,57,3,58,1,61,2,62,3,63,3,64,3,65,4,66,4,67,1,69,3,70,3,71,3,72,3,73,3,74,3,77,1,78,2,79,3,82,2,85,3,86,3,87,2,88,3,89,4,90,3,91,3,92,3,93,2,94,3,95,3,96,3,97,3,98,3,99,3,A,1,Apps,95,B,1,C,1,CHUMHCHUAN,7,D,3,E,4,F,3,FACEBOOK,25,G,1,MINTHANG,16,NEWS,563,NGANDAMNAK,29,Pupa Tuanbia,7,S,4,SPORTS,1,TECH,35,THEIHTLEI,39,Tomorrow,1,WordPress Theme,2,
ltr
item
Football: Chin Ram, Paletwa Peng Ah Minung 7  Ralruangah An Thi ii Minung 9 Nih Hliamhma An Tuar
Chin Ram, Paletwa Peng Ah Minung 7  Ralruangah An Thi ii Minung 9 Nih Hliamhma An Tuar
https://1.bp.blogspot.com/-OU-_B3_-p5g/XpHDySCO_ZI/AAAAAAAAWX8/F0J7D26s0mI6xVsmsx0NohNPpdPR301ggCK4BGAsYHg/fe-1.png
https://1.bp.blogspot.com/-OU-_B3_-p5g/XpHDySCO_ZI/AAAAAAAAWX8/F0J7D26s0mI6xVsmsx0NohNPpdPR301ggCK4BGAsYHg/s72-c/fe-1.png
Football
http://www.thantlangtimes.com/2020/04/chin-ram-paletwa-peng-ah-minung-7.html
http://www.thantlangtimes.com/
http://www.thantlangtimes.com/
http://www.thantlangtimes.com/2020/04/chin-ram-paletwa-peng-ah-minung-7.html
true
5225308185870615775
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy