Rumnak Tak Tak Ti Mi Cu .......


A hlan ah a rum ngai mi pa fa hna an rak um . A fa pa kha sifak timi hi thei ve seh tin an khua dongh lei ah khan a kal pi. Pa fa hna cu lo thlo hna chung khar sin an va phan . Ni tlawm pal an um hnu ah an rak tlung than .
           A pa nih a hal mi cu" ka fa kan khual tlawn cu na lung tling maw?" a ti . A fa pa nih "ka lung hmuih tuk "tin a leh .Cu ti siah" sifak ti mi kha na fiang ko lo maw?" a ti . A fapa nih cun" ka theih ko ka pa "tin a leh .A pa nih cun zei dah na theih tin a van hal chin .
A fa pa nih cun " kan nih cu uico pakhat lawng kan ngei annih cu uico tampi an ngei . Kan nih cu pangpar dum ah ti bual pakhat lawng kan ngei annih cu rili kau pi an ngei . Kan nih cu man fak mi mei kan i van  an nih cu zaan caan ah ai dawh bik mi arfi an ngei .Kan inn kulh nakin an lei kuang a kau deuh .
Kan nih cu ei din awk kan cawk annih cu an dum chung chuak te an ei .Kan nih cu kan inn hau thir hri hling kan kulh ah annih cu an inn pa nih an kulh hna . Ka pa ka lawm tuk . Kan mah pei kan sifak deuh ka thei. " tin a leh i a pa cu a ar ko chim ding zong a thei ti lo .
Hi tuanbia nih hin sifah cu rumnak in a tha deuh nak cu a si lo . Vawlei cung ahhin tangkaa lawng ngeih tung i lung nuam lo mi an tampi . Tang kaa ngei mi pawl khi hakkauhnak an ngei lai lo tin nan ruah hna lai ngeih chin an duh i an duhnak le hakkauhnak hi dong a hngal hlei lo . Mi rum sifak kan dih lak in kan mah cio in lungretheihnak hi kan ngei dih cio hna ..
Rumnak tak tak cu lung thin nuamh kha si ko. Tangkaa tampi ngeih i lungthin nuamh lo ahcun rumnak tak tak cu a si lo .Dawtnak, hawikom,luatnak hna hi an sunglawi deuh . I zuam hlah kan tinak a si lo . I zuam ko si nain teinak na hmuh mi kha tangkaa in tuak hlah .
Teinak hmu ding in i zuam . Luat tein nung . Zei tik caan poh ah nuam tein nung .A thatnak in hmuh khawh i zuam . Hakkauhnak lawng kha hmai ah chia hlah .A hlan nakin lunglawmhnak na hmuh deuh ko lai .

သူစိတ်ဓာတ်ကျတိုင်းဖတ်ဖို့ Cauk Chung In Lak Mi A Si