Vawlei Cungah Voi 12 Tiang Pulh Zawtnak A Tlung Mi


Tulio Zawtnak ruangah minung tampi cu lungrethei le van sang in a um mi kan tampi. Tulio a nungmi minung hna kan chan chungah kan ton ballo mi zawtnak a si ruangah kan tih lo awk cu  a tha ve lo.

Asinain Corona Virus hlan ah a tlungmi zawtnak pawl le zawtnak ruangah a thimi minung zeizat dah an si timi pawl tangah kan van langhter chih….1

1. Antonine (AD 165)

A Thi mi 5 million

Zeibantuk in dah mah zawtnak hi a chuah timi an theih kho lo.

Antonine zawtnak hi Asia ram cheukhat, Italy, Greek le Ezipt hna ah a cang mi a si ii, cogyi zawtnak (or) wattat zawtnak an ruah mi a si. Asinain zeibantuk zawtnak dah a si timi fiang tein tuchun ni tiang an chimh kho lo mi a si. AD 165 hrawngah Mesopotamia in a rak kir mi Rome ralkap hna sin in aa thawk mi zawtnak a si ii minung 5 million hrawng an rak thi.

2. Justinian (541-542)

A Thi mi 25 million

Zawtnak a ruang Plague (Disease) Virus

Europe ram minung cheukhat hrawng a thihtertu zawtnak hi Byzantine emperors le rili kam tinbaw dinhnak khua hna ah aa thawkmi mi zawtnak a si ii, amah chan lio ah minung 25 million tiang a thihtertu zawtnak a si. Vawlei cung ah avoi khatnak pulh zawtnak titiang in an rak timi a si ii nichuah lei rili hrawngah a um mi minung cheukhat chungah cheukhat an rak thi. Constantinople khua lawngah nikhat ah minung 5000 hrawng an rak thi ii a hnu ah cun khua chung minung 40% hrawng an rak thih nak pulh zawtnak a si.

3. Pulh Zawtnak (Plague) (1346-1353)

A Thi mi 75 million in 200 million

Zawtnak a ruang -Plague (Pulh)

The Black Death titiang in mah zawtnak hi an rak auh mi a si ii, 1346 in 1353 tiang Europe, Africa le Asia ram hna ah a rak karh ii minung 75 million in 200 miilion hrawng an rak thih. Asia ram in aa thawkmi plague a si ii, Zu in a rak ii thawk mi zawtnak a si. Tinbaw dinhnak, tinbaw tibantuk ah zu a rak tam tuk caah continent 3 ah fawi tein a rak karhmi zawtnak a si ii minung tampi an rak thihnak hi a si.

4. Avoi 3 nak Chungthlet zawtnak (1852-1860)

A thimi 1 million

Zawtnak a ruang Chungthlet zawtnak

Chungthlet zawtnak voi 7 a um chungah mah voi 3 nak hi a fakmi a si tiah an ti. A hlan a cang nak India ram in aa thawk mi a si ii, Asia ram chung, Europe, Chakhlei America le Africa ram tiang a phan ii minung 1 million renglo an rak thi.

England ram mifim thiamsang John Stone nih mah zawtnak hi ti thiang lo in aa thawkmi zawtnak a si tiah a rak hmuh. Vanchiat ah 1854 ah mah zawtnak hi a fah saling a si ii, British ram lawngah minung 23000 an rak thi manh cang.

5. Tlangrai Zawtnak (1889-1890)

Athimi 1 million

zawtnak a ruang tlangrai zawtnak

Russia tlangrai tiah mah zawtnak hi an rak auhmi a si ii Influenza A ii H2N2 zawtnak phun a si tiah an ti. a hnu ah an hmuh than mi cu H3N8 asi. 1889 ah hmun dangdang asi mi hmun thum ah an hmuh (Tashkent, Nithlak chaklei Canada le Greenland) hna ah an rak hmuh hmasa. kum zabu 19 ah minung tampi mah zawtnak an rak tuar hna ii 1 million tiang an rak thihnak a si.

6. Avoi 6 nak Chungthlet Zawtnak (1910-1911)

Athimi Ting 8

Zawtnak ruang Chungthlet zawtnak

Chungthlet zawtnak voikhat in voinga tiang bantuk in Avoi 6 nak zong India ram in a thawkmi a si ii minung ting 8 tiang an rak thi. cu pin ah Middle East, Chaklei Africa, Asia, Europe le Russia ram tiang a karhmi zawtnak a si. America nih a hlan ah a cangmi chungthlet zawtnak ruangah tha tein an ii ralring ii minung 11 lawng America ram ah an rak thi.

7. Spain Tlangrai (1918)

Athimi 20-50 million

Zawtnak ruang H1N1

1918 in 1920 karlak ah mah tlangrai hi vawlei cungah a karhmi zawtnak a si ii Vawlei cung minung cheuthum cheukhat nih mah zawtnak hi an rak tuar ii minung 20 million in 50 million hrawng an rak thih nak tlangrai a si. 1918 kum lawngah minung 500 million tiang nih zawtnak an rak tuar ii zawtnak aa thawk in zarh 25 chungah minung 25 million an rak thi. 10-20% an rak thi ii a dang tlangrai cu tarle ngakchia a thisa a der deuh mi an rak thi tawn a si nain mah Spain tlangrai cu tlairawl minung hna sin ah hmuh deuh mi zawtnak a si.

8. Asia Tlangrai (1956-1958)

Athimi 2 million

Zawtnak ruang H2N2

Asia tlangrai hi Influenza A ii H2N2 phun a si. Mah zawtnak hi Taluk in Singapore, Hong Kong, America tiang a phan mi zawtnak a si ii minung 2 million hrawng an rak thih. America ram lawngah minung 69800 an rak thi.

9. H3N2 Tlangrai (1968)

Athimi 1 million

Zawtnak ruang H3N2

Mah zawtnak hi Hong Kong Tlangrai ti zongah an auhmi a si ii 1968 in vawlei cung tihnung zawtnak tiah an rak ti mi a si. Mah tlangrai phun hi Influenza A ii H3N2 phun in a ra mim a si. 1968 July 13 in Hong Kong ah a hmasabik mizawt an rak hmuh ii ni 17 a rauh hnu ah Singapore le Vietnam zongah mah zawtnak hi an rak hmuh.

Thla 3 chungah Filipi, India, Australia le a dang ram hna tiang a rak phan. Case Fatality rate tiah auhmi thih ning 0.5% lawng a si nain minung 1 million renglo a thihtertu zawtnak tiah an ti mi a si. Cu lio Hong Kong minung ii 15% hrawng a rak hnursuantu a si.

10. HIV/AIDS

Athimi -36 million

Zawtnak - HIV/AIDS

1976 hrawng ah Congo ram ah a hmasabik an rak hmuh ii 1981 ah minung 36 million hrawng an rak thi caah vawlei cung zawtnak tihnung tiah an rak ti mi a si. Tutiang HIV/AIDS zawtnak a ngei mi minung 31 million in 35 million karlak hrawng an um rih ii a tam deuh Africa ram mi an si.

HIV zawtnak hi minung nih van i ralrin deuh a si ii zawtnak thlop nak caah sii thar zong tampi an ser caah Zawtnak a ngei mi hna nih sii caan hman tein an din nak nih zawtnak cu a damh lo nain caan deuh nun khawhnak ruahchan nak lam a umter. Asinain kum chiarte zawtnak thar a ngei mi minung an hmuh peng rih hna.

11. H1N1 (2009-2010)

Athimi Ting 5

Zawtnak H1N1

H1N1 hi kum 2009 April thla ah Californian ah ngakchia kum 10 nute sin in an hmuh hmasa. Influenza A phun a si ii 1981 a rak cang mi Spain Tlangrai he aa lo mi a si. Asinain minung, vok le va hna sinah a um mi virus he aa fonh ii zawtnak phun a thar a si caah ဝက္တု​​ပ္ ေကြး tiah an auh mi a si.

WHO nih kum 2009 ah mah zawtnak hi vawlei cung zawtnak tihnung tiah  fakthanhnak an rak tuah. September thla ah ဝက္တု​​ပ္ ေကြးrunvennak sii an ser khawh. Ram tampi ah mah zawtnak cu a karh ii minung tampi an thih hnu ah 2010 August thlah mah zawtnak hi a dih cang tiah fakthanhnak an rak tuah.

12. COVID 19 (2019)

Tutiang athimi - 16362 (march 25 tiang cazin)

Zawtnak - COVID 19

kum 2019 December 8 ah Taluk ram Wuhan khua ah theilo mi tlangrai zawtnak pakhat an rak hmuh. cu zawtnak cu zeibantuk dah a si ti an theih lo caah Wuhan Corona virus tiah an auh. December 18 ah mah zawtnak hi seafood aa thawk tiah langhter nak an rak tuah.

January 1 ah bazar pawl an rak kharter dih hna. 2020 January 8 ah nCoV tiah min pekmi Corona Virus kan hmuh cang tiah Taluk Scientist nih fakthanhnak an rak tuah. Ni 9 ah mah zawtnak in kum 61 hrawng a si mi Taluk pa pakhat a thi hmasa.

January 19 ah Wuhan khua lengah ahmasabik mizaw an hmuh. February 11 ah WHO  nih COVID 19 tiah phung ning tein min an pek. Duhsah duhsak in mah zawtnak cu a karh ii 25 march 2020 tiangah  ram 195 tiang a phan ii zawtnak a ngei mi 375498 an si cang ii a thimi minung 16362 tiang an si cang.

Myanmar ram chung zongah zawtnak a ngei mi minung 3 an hmuh cang hna.

Covid 19 hlan ah a rak um mi zawtnak le tulio zawtnak sining zoh ti tikah tu zawtnak hi tihnung tuk a si lem lo. Asinain i ralring a hau mi zawtnak a si.

Kan dihlak him nak ding caah cozah nih nawl an chuah mi ngai cio hna usih. Siaherhnak he Share cio hna usih.