USA Valawng Phurtu Tilawng (USS Theodore Roosevelt) Cungah COVID 19 A Ngei Mi 23 Nak Tlawmlo An Um


American vanlawng phurtu tilawng (USS Theodore Roosevelt) cungah corona virus a ngei mi minung 23 nak tlawmlo zohfelnak an tuah hnu ah an hmuh nak kong cu American media nih an langhter.

Cu vanlawng phurhnak tilawng cu Pacific rili ah a um i virus a ngei mi riantuantu hna cu tilawng dinhnak ah a dang te ah chiah dingin cunglei nawl ngeitu nih an ti hna tiah theih a si.

Tuzarh chungah Tilawng cung riantuantu (sailors) minung pathum sinah corona virus zawtnak an ngei tiah theih a si hnu ah a dang tein an rak chiah hna. American ti ralkap tilawng cungah ahmasa bik corona virus an hmu asi.

"ralkap dang sinah Corona virus zawtnak kan hmuh than tiah' Ti ralkap hruaitu Mike Gilday nih March 27 ah langhternak a tuah. Minung zeizat nih dah corona virus zawtnak an ngei timi bal a langhter lo.

America ti ralkap minung 5000 renglo cu Guam tilawng dinhnak ah corona virus an ngei le ngei lo zohfelnak an tuah hna ii zawt nak a ngei mi cheukhat an um kho men tiah Mike Gilday nih a chim. Tutiang cu tilawng cungah a ummi ralkap ahohmanh zualhma ngai in a zaw mi an um lo i siizung a phan mi zong an um rih lo tiah a ti.


Cu tilawng cungah corona virus a ngei mi minung 23 nak tlawmlo an hmuh hna tiah America ti ralkap captain Modly nih a chim mi chirchan in Wall Street Journal nih langhternak an tuah.

USS Theodore Roosevelt hi Vietnam tilawng dinhnak pakhat ah a hnubik a din mi a si tiah theih a si.
Previous Post
Next Post

post written by: