American in Tedim ah nupi thit ah arak tlung mi Chin pa pakhat cu dam lo ruangah Tedim siizung Doctor nih an zohkhenh lio asi .
COVID-19 zawtnak in March 21 ah an zohkhenh mi asi tin theih asi .
A sining cu American in thitumh ah arak tlung mi Tedim myone Kaptel ,kum 24 simi pa cu March 18 ah khua ah arak tlung . Tlawmpal ah taklin in aum caah siizungah lei ah thawngpang an thanh .
Tedim siizung pi nih ni 14 chung an zohkhenh .Tedim okchohzihmu U Go Suam Khai nih " a rak phak lio ahcun azaw lo, khua aphak hnu ah azaw,a phak in ti akholh, a chungle zong nih kiktlaih asi ko lai tin an ruah . Zeihmanh thinphannak kan ruat lo . Siizung riantuan umnak inn thar ah ah amah lawng an um ter . A tu zing tiang ahcun piangpai tein aum ko tin Doctor nih achim, dam lo nak ram in arak tlung caah asi "tin achim .
Kalay zong ah SIngapore in arak tlung mi nu pakhat cu Kalay siizung ah an zohkhenh lio tin theih asi .
Ramdang in arak tlung mi dam lo mi pawl cu mah le khua siizung cio ah zohkhenh le thawng thanh
ding in ngandamnak lei nawl ngeitu nih an thanh .
