Ram Dang In Mobile Phone Kuat Ding Na Si Cun Theih Ding


Ram dang um mi kan unau nih Phone kan in kuat tik ah harnak ka ton tawn mi tete van langh ter le Phone i kuat ding kan si ah zeibantuk dah kan i ralring lai timi a tanglei ah hin ka van langh ter , Cheukhat tangka ngei mi kan caah cun a poinak a um lo nain Phone cawknak hmanh a ngei lo mi kan caah cun thathnemnak a ngei lai ti ka zumh.

Ram dang in Laitlang lei Na Unau Phone kuat ding na si ah cun ?

iPhone hi  kuat a tam deuh  caah iPhone ka van langh ter hmasa lai , na unau iPhone na kuat hna ding a si ah cun hmasabik ah na kuat ding mi Phone hi na hman cia cang mi a si maw ? a ruang cu iPhone hi Apple ID loin zeihmanh a tuah kho lo mi a si caah na hmang cang mi a si ah cun Apple ID na hman bal ti a fiang ko , cu Apple ID na hman mi Account le Password na theih ti lo mi Phone a si ah cun na unau kuat lo ah a tha , Apple ID theih ti lo mi Phone kan i kuat ruang ah zeihmanh hman khawh a si ti lo i remh ter zong ah tingkhat le cheu hrawng a fawinak in a dih caah Phone thar i cawk a miak deuh cang . Apple ID Account le Password na theih bak mi lawng na kuat hna ah a tha lai riah ruahnak pek kan duh hna cun Apple ID na hman rih lo mi a si ah cun Kawlram ah an mah tein i kuat ter ding in kuat hna law na kuat mi na unau nih a mah tein Apple ID a tuah khawh a tha deuh .



SAMSUNG Phone tibantuk Mobile Phone na kuat ding a si ah cun Network Lock a um mi a si le silo theih hmasa a hau , na cawknak ah Network Lock maw a si silo ? ti kha tha tein hal hna law Network Unlock cia mi a si an ti lawng ah na unau kuat ding ah a tha , Network Lock tuah man zong kawlram ah a man an i khat cio lo caah na kuat mi Phone hman khawh loin an um kho .

Na Unau Nih Phone Kuat Ding A Si Ah Cun Na Chimh Ding Bia 

Ram dang um mi na unau Phone kuat ding na cah hna ah cun Apple ID na hman cia cang mi a si maw ? Apple ID Account le Password tah na thei rih mi Phone a si maw ? ti kha hal hmasa hna lai , Apple ID a theih ti lo mi Phone an kuat ah cun Kawlram ah a remh man a fak ngai caah Phone thar cawk ah a miak deuh . Samsung Phone le a dang Mobile Phone ah cun Network Unlock cia mi ka kuat tiah na chimh hna ah a tha .

Note : Apple ID philh cang mi le a dang Phone Network Lock tuah piak a hau mi Phone hi kawlram ah an tuah khawh dih pah cang ko nain Apple ID Remove le Network Unlock hi Official a si lo ah cun Phone a rian tuan ning zong a tha ti lo mi tampi a um caah Phone kan i kuat hlan le kan i cah hlan ah a cunglei hi philh lo tein i hal le i chimh bu tein i kuat hna u sih tiah zawnruahnak he ka tial .

Ka Lawm
Previous Post
First

post written by: