Na Tlangval Sin Ah Chim Bak Lo Ding Bia Pawl


Nufim pakhat nih cu a duh dawt mi a tlangval nih a duh lo mi bia chim hi an hrial tawn i an pahnih karah dawtnak a feh chin khawh nak dingtu kha tuah aa zuam.

Na duh dawtmi na tlangval le na pasal sinah chim bal lo ding bia pawl hna cu.....

1. Nungak Čšhing he Cuaitlai Ti

Nu tampi cu an duh dawtmi an tlangval hna kha an nungak thing kong an hal tawn lengmang hna. A hlan na nungak le keimah ah hodah aa dawh deuh tibantuk, zeidah kan i dannak si tibantuk in hal a hmang mi nu an um theo tawn.

Na tlangval le na pasal nih mah bantuk bia na hal tikah nangmah naa dawh deuh tiah leh lo cu an um theng lai lo. Asinain cu bantuk bia na halmi nih na tlangval na pasal cungah lunghrinhnak le lungthian lo in na um a si.

 2. Zei Hmanh Chim Ka Huam Ti Lo

Nan pahnih kar nan i sik caan ah na thin hang tuk lung in zaseh zei hmanh chim ka huam ti lo tiah na chim mi bia nih zeidah a sawh tiah cun ka lung dong cikcek cang zeiti hmanh in hmailei kar kan hlang kho ti lai lo. A donghnak si cang seh i then ko usih timi a sawh caah nan buai nak rem nak lei si loin a zualter chinfu bia a si.

3. Kaa Dawh Lo Chin Lengmang

Nu a si mi paoh nih kan duh dawt mi hna sin in na dawh tuk tiah thangthat a duh dih mi kan si. Cu tikah kan duh dawt mi hna hmai ah nang mah le nang mah kha ka dawh lo ngai tiah na chim lengmang avoi a tam tikah cun na tlangval na pasal nih na chim ning bantuk in aa dawh lo chin lengmang hmuh in an hmuh sual ahcun na lo bak.

4. Midang Nungak Tlangval he tahchunh

Midang nungak tlangval vial cu zoh hna khi. Pa nih a nungak kha mah cu a tuah piak. Kha a tuah piak tibantuk chim a hmang mi nu an um theo tawn.

Midang nungak tlangval nih mi hmuh hmai ah la nih a nungak zeibantuk a va tuah piak zong kan hmuh lo mi pin lei ah zeibantuk buainak dah an ngeih timi theih khawh a si lo.

Lenglei lawng zoh i kan duh dawt mi hna cungah midang nungak tlangval vial cu zoh hna khi tiah lungtling lo nawn in kan chim peng si ahcun a tha lo mi a si.

Na tlangval a thinhan i mah pa bantuk tlangval na duh ahcun a mah kha na va duh ko lo ti a fawi.

Thanak nak in chiat lei a chuahpi deuh mi bia an si caah nu he pa he kan chim lo ah a tha deuh mi bia a si.