Chin pa ramdang in arak tlung i nupi thitnak puai a tuah caah afak ngaimi dantatnak pek asi lai


Atu lio ahcun mibu tonnak cu abik in hrial caan asi , cunglei in COVID-19 zawtnak ruangah
abu in umnak le puai tuah tibantuk an khap lio caan asi . Cu lio ah Chin pa cu ramdang in arak tlung i nupi athitnak puai atuah .

Cunglei nih phung an chuah mi atheih ko nain abuar caah dantatnak pek dingin cunglei nih nawl an chuah cang ..Tamu myone, Khunmonnon khua nih nawl an chuah mi azulh lo caah khuami upa nih cunglei ah an chimh i dantatnak pohmah (30-kahkyi ) in dantat ding asi tin theih asi .

Kum 35 simi American in arak tlung mi Mg Thang Lin Shing cu Myanmar ah March 17 ah arak phan. March 28 ah nupi thitnak puai atuah i kaphnih chungkhar minung 100 leng an i tel nak cu Tamu myone, zunglei nih an theih hna .


Tamu taing kusale U Myint Naing Oo nih " Khuami hna nih mibu umnak ding puai tuah lo ding in thawng an thanh ko  nain an zulh lo caah dantat an si , hi kong ahhin zeihmanh chimding aum lo "tin achim .

COVID-19 ruang ah puai zong thawn dingin in kan chimh ko hna, upa le cunglei nih ca in siseh , bia le ka in siseh kan chimh ko hna nain  an tuah thiam caah azizut an sinak asi tin achim .

Sigaing peng COVID-19 khamnak rian ngeitu upa hna nih hi kongah dantat dingin  khuami cu nawl an pek hna .

Vawlei kokek nih achuahpi mi humhimnak lei in pohmah (30-kahkyi ) an lonh caah  taza zung nih bia akhiah ahcun thong kum 1 ,tangkaa in liam asi lai tin theih asi .

Chin World
Previous Post
Next Post

post written by: